Вести

Министерството за култура и туризам на РС Македонија, со Решението за проекти од национален интерес во културата за 2025, содржани во нацрт годишната програма за работа на НУЦК “Григор Прличев“ – Охрид за 2025 година, одвои средства за следните проекти:

Драмска дејност: 

• „Таксистот“ – автор Реј Куни, режија Коле Ангеловски  – 800 000 ден.
• „Фантастична идеја“ – според мотиви од повеќе дела и автори – Адаптација и режија Ненад Витанов – 750 000 ден.
• „Бегалка“ – автор Васил Иљоски, режија Андреј Цветановски – 850 000 ден.

Висината на средствата за продукција на драмска дејност, за разлика од изминатите години е зголемена за 30%, што директно ќе влијае и на квалитетот на продукциите на Народен Театар Охрид, кои и до сега безразлика на скромните ресурси стремеше кон квалитет и врвност.

Од областа на Музичка и музичко сценска дејност, министерството ја поддржа програмата на Градскиот хор при НУ „Центар за култура „Григор ПРличев“ – Охрид  со 70 000 ден.

Фолклорна дејност

• Балкански фестивал на народни песни и игри 2025  – 500 000 ден.
•  Охридски староградски средби 2025  – 100 000 ден.

Издавачка дејност 

•  Награда за најдобра поема „Григор Прличев“ за 2025 – 200 000 ден.

За материјални трошоци за работа на установата, Министерството за култура на Р.С. Македонија, издвои 50 000 ден.