Преведи со Google Translate

Macedonian Albanian English French German Spanish
Банер
Банер
Банер
Банер

Банер

СООПШТЕНИЕ ЗА ЈАВНОСТ СПОРЕД ОДЛУКАТА НА ЖИРИ КОМИСИЈАТА ЗА НАЈДОБРА ПОЕМА ЗА 2020 ГОДИНА

Жири комисијата за доделување на наградата „Григор Прличев“ што НУ Центар за култура „Григор Прличев“ Охрид ја доделува за најдобра поема во ракопис во 2020 година, во состав: Маја Јакимовска-Тошиќ (претседател), Славчо Ковиловски (член) и Весна Мундишевска-Велјановска (член), на својот заеднички состанок одржан на 21.12. 2020 година едногласно ја донесе одлуката за избор на најдобра поема за 2020 година, при што како највисоко рангиран го посочи ракописот „Капетаните“ под шифра „Мисија“.
ОБРАЗЛОЖЕНИЕ
Поемата „Капетаните“ под шифра „Мисија“ претставува еден вид посвета на Прличевиот поетски подвиг, конструирана низ своевиден паралелизам преку композициска, структурна, поетичка и содржинска аналогија со поемата „Сердарот“ на Прличев. Содржински и структурно се работи за целина, обединета околу централниот настан (погибијата на главниот јунак капетанот Бојан и единствен син на скршената мајка Пејка, како аналогија на настанот и на ликовите со Прличевите Кузман Капидан и Неда), која композициски достигнува цврсто интегративно рамниште. Дејствителните сегменти се поделени во осум ненасловени делови. Во поемата се согледува суптилноста на авторот/ката во разоткривање на тематската целина, која комуницира со Прличевата поетска постапка уште со воведот најавен во духот на словенската антитеза, што се протега низ првите четири катрени во 16 стихови, понатаму во еднаквиот број на испеани стихови – 912 кои се поклопуваат со бројот на стиховите во „Сердарот“, римувани претежно вкрстено и паралелно иако не секогаш крајно доследно. Истовремено иако се работи за современо случување (низ проекција на воени дејствија во Авганистан, Кабул и зачмаеноста на изгубеното и испразнето село во Македонија – Марул), постои своевиден паралелизам со историското време, со сите предизвици и дилеми на еден безусловно впишан хероизам „по секоја цена“ во одбрана на незаштитените и слабите, со судбинските проклетства и завојувања, во кои ги препознаваме универзалните димензии на човековата алтруистичка потрага по хуманоста и истрајноста, во моралната доследност како херојски чин на јунакот (Капетанот). Исказот е лирски сугестивен и хармоничен, згуснато сензитивен и напати спокоен како пред злокобна најава, но истовремено пронижан со интензивната динамика на случувањата. Со посредство на исказот во кој умешно се редат зборовите во стиховните дијалози, истовремено се редат и случувањата поврзани со херојството и смртта на капетанот Бојан и неговата храбра сопруга со иста трагична судбина, за нивното болно оплакување од страна на скршените мајки, од соборците и од почитувачите на нивниот подвиг. Авторот/ката со прокламираните пораки во поемата „Капетаните“ и со примената на поетичкиот паралелизам, ни овозможува поетско разоткривање на универзалните историски и современи (конфликтни) состојби во светот, поврзани со човечките борби и страдања, со истрајноста и моралноста како прокламиран херојски чин, со жртвата за хуманистичкото изедначување во однос на човековите права за достоинствен живот, љубов и слобода.

Share/Save/Bookmark
 

Премиера на претстава "Сопружници" - Вуди Ален

НУ Центар за култура "Григор Прличев" - Охрид / Народен Театар Охрид

ПРЕМИЕРА “Сопружници” – Вуди Ален,
Режија: Драгана Таневска
Директор, Горан Симоноски

Играат:
Гејб - Ивица Цонев
Џуди - Елизабета Стефановска
Џек - Никола Тодороски
Сали - Адријана Билаловиќ Тодороска
Мајкл - Филип Кипровски
Сценограф – Борис Далчев, Ванчо Василев
Костимограф - Ванчо Василев
Инспициент - Филип Ангеличин – Жура
Светло - Борис Велјаноски
Тон - Митко Серафимоски
Избор на музика – Драгана Таневска
Дизајн на плакат – Борис Далчев
Гардеробери - Линдита Мерко, Деса Лазороска
Реквизитери - Соња Крстаноска, Маријана Николоска
Сценски декоратери – Кире Ангелоски, Горан Георгиески, Ѓоко Китоски, Даниел Андрески

“Сопружници” претставува песимистичко гледиште за романтичната љубов и бракот. Хуморот во претствата произлегува од реалноста на ситуациите. Ликовите не можат да ги надвладеат своите слабости и желби и затоа влегувааат во апсурдни ситуации кои се комични. Тоа пак, од друга страна е и специфичноста на хуморот на Вуди Ален, кој многу мудро и реално ги анализира ситуациите и карактерите. – Драгана Таневска

ПРЕМИЕРА, сабота 12.12.2020 година, почеток 18:00 часот.


Share/Save/Bookmark
   

Изложба на фотографии на Фото клубот Охрид

По повод патрониот празник на Охрид „Свети Климент Охридски“ во понеделник 07.12.2020 година со почеток во 18.00 часот во изложбениот салон на НУЦК „Григор Прличев“-Охрид ќе се отвори 22 традиционална изложба на фотографии на Фото клубот Охрид.
Изложбата ќе биде во согласност со сите здравствени мерки и протоколи за заштита од вирусот КОВИД 19.


Share/Save/Bookmark
   

Документарен филм ОХРИДСКИТЕ ПЛИВАЧКИ ЛЕГЕНДИ

НУ Центар за култура „Григор Прличев" - Охрид Ве поканува на промоција на документарен филм ОХРИДСКИТЕ ПЛИВАЧКИ ЛЕГЕНДИ од авторот Љупчо Паункоски на ден 18.11.2020 година (среда) во 18.00 часот во големата сала на Центарот за култура, влезот е слободен! СОГЛАСНО ЗДРАВСТВЕНИТЕ ПРОТОКОЛИ СО ОГРАНИЧЕН БРОЈ НА ПУБЛИКА!!!


Share/Save/Bookmark
   

Премиера на филмот "ХОМО" во НУЦК Охрид

Филмот „Хомо“премиерно на кино репертоарот во НУ Центар за култура „Григор Прличев" - Охрид и тоа во деновите 10-ти, 11-ти,12- ти и 13-ти Ноември 2020 година, со почеток во 19.00 часот, цена на карта 150 денари.
Што е тоа човек? „Хомо“ прикажува шест лица, шест состојби во луцидно поврзани епизоди проткаени со црн хумор.
Оригинален наслов:    Хомо
Траење на филмот:    91 Минути
Земја / година:    MKD/2020
Жанр:  Драма
Глумци:   Наташа Петровиќ, Игор Ангелов, Оливер Митковски, Јелена Јованова, Сашко Коцев
Режија: Игор Иванов - Изи
Дистрибутер: Скопје Филм Студио
Возрасна Категорија:    +16
Цена на карта 150 денари, почеток 19.00 часот
СОГЛАСНО ЗДРАВСТВЕНИТЕ ПРОТОКОЛИ СО ОГРАНИЧЕН БРОЈ НА ПУБЛИКА!!!

„Ова е скопски филм, за нашата генерација и за времето во кое живееме. Проектот е копродукција на пет земји и посебен предизвик е неговата реализација, во која е вклучена голема меѓународна екипа, околу 70 актери и преку 450 статисти. За потенцирање е и возниот парк од 100 возила“, вели продуцентот Томи Салковски.Кинематограферка е Маја Радошевиќ од Србија, монтажата е на Мартин Иванов, сценографијата на Кирил Спасески, а костимите на Полонца Валентичиќ од Словенија


Share/Save/Bookmark
   

Страница 10 од 61

<< Почеток < Пред 1 2 3 4 5 6 7 8 9 10 Следно > Крај >>