С О О П Ш Т Е Н И Е
Театарската претстава "Метод" (El mètode Grönholm) од Жорди Галсеран, режија Ирена Стеријовска, закажана за четврток 24.10.2019 година се ОДЛОЖУВА, поради повреда на актер вклучен во прествата.
картите ќе важат или истите може да ги замените на билетара)
Со почит,
НУ Центар за култура “Григор Прличев"-Охрид
„Исцелител“ во Охрид на 25-ти и 26-ти октомври
Еден од најуспешните македонски играни филмови „Исцелител“ ќе се прикаже во Центарот за култура „Григор Прличев“ во Охрид на 25-ти и 26-ти октомври во 20.00 часот, влез 100 денари.
„Исцелител“ од својата премиера досега, се прикажуваше на 60 светски филмски фестивали. Филмот освои 19 меѓународни награди, меѓу кои 8 беа за најдобар филм. „Исцелител“ е прв македонски филм добитник на награда на филмскиот фестивал во Солун во 58 годишното постоење на фестивалот. Тој е добитник и на наградите за најдобар филм во Санта Барбара, САД; Бергамо Филм Митинг, Италија; Филмскиот фестивал во Обањ, Франција, на фестивалот Let’s CEE во Виена и други.
„Исцелител“ беше прикажан на неколку филмски фестивали во САД, во Индија, на најголемиот фестивал во Иран, на двата најголеми фестивали во Кина, на фестивал во Колумбија, на престижниот „Црни ноќи“ во Естонија и на многу други европски филмски фестивали.
Во Македонија „Исцелител“ беше прикажан во Скопје, Куманово, Битола, Кочани, Кичево, Прилеп, Штип, Велес, Богданци, Гевгелија, Неготино, Крушево, Св.Николе, Гостивар, Крива Паланка, Виница, Охрид, Струга, Дојран и Пробиштип а во Скопје се одржа и проекција на отворено во Градскиот парк која имаше повеќе од 9000 посетители. Филмот имаше кино дистрибуција и низ Италија во повеќе од 30 градови како и дистрибуција низ неколку града во САД.
За филмот бравурозни рецензии објавија неколку од најзначајните светски филмски списанија меѓу кои и „Variety“, „Holywood Reporter“, „Screen Daly“ и „Senses of Cinema“, но и значајни балкански и македонски списанија.
Филмот беше достапен на престижниот канал ХБО и на Синемаворлд Азија, а преку услугата „видео на барање“ беше достапен и во Австралија.
Главните улоги во „Исцелител“ ги толкуваат: Благој Веселинов и Анастас Тановски, а останатите улоги: Аксел Мехмет, Димe Илиев, Александар Микиќ, Мирослав Петковиќ, Симона Димковска и други. Автори на музиката се Бранислав Николов, Пеце Трајковски-Брада и Гоце Јованоски, директор на фотографија е Дејан Димески, монтажер Мартин Иванов, а сценарист, режисер и продуцент е Ѓорче Ставрески. Филмот е во продукција на Фрагмент филм од Скопје.
„Стаклена менажерија“ -петок 18.10.2019 година
Претставата „СТАКЛЕНА МЕНАЖЕРИЈА”од ТЕНЕСИ ВИЛИЈАМС која е освои НАГРАДА НЕТА на фестивалот на камерен театар "Ристо Шишков" во Струмица во месец септември, за актерска инвентивност посветеност во остварувањето на режискиот концепт- повторно на репертоарот.
БАЛКАНСКА 3а/2 од Дејан Дуковски
Четврток 10.10.2019 година, почеток 20:00 часот, цена 200 денари
Режија: Ана Батева
сценографија/костими: Борис Георгиев
музика: Стефан Здравески
играат:
ИЛИЈА – Стрезо Стаматовски
МИРНА – Елизабета Стефановска
АРСЛАН – Филип Кипровски
ПОТСТАНАРОТ – Никола Тодоровски
„Балканска 3а/2“ е црна комедија во која недостатокот на човечност во човекот е нормална појава, а човековата отуѓеност од современиот свет е секојдневие;
„Балканска 3а/2“ е трилер кој има за цел да ни покаже антиопштествени форми на однесување, кои освен што го изветоперуваат социјалното функционирање на едно општество, го загрозуваат и неговото постоење;
„Балканска 3а/2“ е слика на апсурдот на нашето време, а оттаму и комичен приказ на денешното живеење.
Картите се пуштени во продажба на билетарата при НУЦК "Григор Прличев" - Охрид, почеток 20.00 часот. Телефон за резервации 046/261-063, 075/283-066
КОНКУРС ЗА ИЗБОР НА НАЈДОБРА ПОЕМА ”ГРИГОР ПРЛИЧЕВ” ЗА 2019 ГОДИНА
Согласно член 9 став (1), (2), (3) и (5) од Статутот на НУ Центар за култура “Григор Прличев” – Охрид (бр. 01-396/1) и Правилникот за начинот на спроведување на конкурсот (бр.01-576/1) се распишува:
КОНКУРС ЗА ИЗБОР НА НАЈДОБРА ПОЕМА
”ГРИГОР ПРЛИЧЕВ” ЗА 2019 ГОДИНА
Конкурсот за избор на соодветната поема трае заклучно до 4-ти ноември 2019 година. Тематската содржина на поемата со која што се конкурира е од слободен карактер, поемата не смее да биде помала од 912 стихови и секој педесетти стих треба да е нумериран. Делото треба да е напишано со големина на фонт минимум 11 (единаесет), испечатено еднострано на А4 формат во 4 (четири) еднакви шифрирани примероци.На конкурсот еден автор може да пријави само едно дело, коавторски дела се неприфатливи. Конкурсот е анонимен, а за најдобрата поема предвидена е и парична награда.
За изборот односно наградата одлучува 3 (три) члено жири составено од реномирани автори од Р.М. Се повикуваат сите заинтересирани автори да испратат необјавена поема на следнава адреса: НУ Центар за култура “Григор Прличев” – Охрид, ул. “Македонски просветители” бр. 4, 6 000 Охрид, со назнака “Пријава за избор на најдобра поема “Григор Прличев за 2019 година”. Поемите кои нема да пристигнат до определениот рок или нема да ги исполнуваат условите од истиот нема да бидат земени предвид за наградата. Комисијата согласно Правилникот за критериумите и постапката за избор на најдобра поема, ќе ги извести авторите што поднеле уредна апликација, за резултатите од изборот.
За дополнителни информации:
Тел. 046/ 261 - 063
Е-адреса:
Оваа е-пошта е заштитена од spambots, треба да вклучите JavaScript за да ја видите
НУ Центар за култура “Григор Прличев” – Охрид,
Директор,Горан Симоноски
Повеќе Артикли...
Страница 2 од 77
<< Почеток < Пред 1 2 3 4 5 6 7 8 9 10 Следно > Крај >>