Преведи со Google Translate

Гостување на театарски фестивал за деца и младинци "Малиот Принц" во Штип

Национална установа Центар за култура "Григор Прличев" - Охрид / Народен Театар Охрид повторно гостуваат и тоа на театарски фестивал за деца и младинци "Малиот Принц" во Штип во четврток, 26-ти септември со ДЕТСКАТА ПРЕТСТАВА „АЛИСА ВО ЗЕМЈАТА НА ЧУДАТА” од англискиот писател Луис Карол.

Режија: Ѓорѓи Ризески, Играат: Адријана Билаловиќ Тодороска, Филип Кипровски, Павел Маслов, Ивица Цонев.

„Каде е пиштолот?“ сабота 28.09.2019 година

Повторно на репертоарот „Каде е пиштолот?“ од унгарски автор Габор Ѓоргеј во режија на Дејана Николовска
Играат: Горан Стојаноски, Никола Тодороски, Адријана Билаловиќ Тодороска, Ивица Цонев, Стрезо Стаматовски
Сценограф, костимограф и дизајн на светло: Милена Пантелеева
Музика: Гаро Ашикјан
Сценски движења: Асја Иванова
Драматург: Кристина Тодороска Петреска
Инспициент: Филип Ангеличин-Жура

„Каде е пиштолот?“ е модерен сатиричен текст со силна егзистенцијалистичка позадина, создаден во седумдесеттите години од минатиот век. Во својата срж текстот се занимава со човековата дуална природа, играјќи помеѓу позициите на опресор и потчинет низ петте ликови кои го носат дејствието.
Зборот „пиштол“ предложен уште во насловот не е ништо друго туку театарски знак, систем на апстракции, симбол на моќта на насилство – кого ликовите го користат за да ги тероризираат останатите. Местото на дејство е затворен простор , во кој гледаме четири луѓе што седат и петтиот како вперува пиштол во нив. Четири од нив секогаш сакаат да излезат надвор од собата, а петтиот секогаш ќе се чувствува добро внатре. Тоа е оној кој е со пиштолот. Изворот на сите проблеми е токму тој - пиштолот. Пиштолот би можел да има и понаква намена, но не во овој случај. Tажно e, но овде не е можно да живеете без пиштол!

Картите по цена од 200 денари се пуштени во продажба на билетарата при НУЦК "Григор Прличев" - Охрид, почеток 20.00 часот.Телефон за резервации 046/261-063, 075/283-066

МИТОВИ ЗА БЕРЛИН

Гете-институт Скопје во соработка со НУ Центар за култура ''Григор Прличев" - Охрид ја прикажува изложбата на постери МИТОВИ ЗА БЕРЛИН

Изложбата се прикажува од 19.-29.09.2019, а истата може да ја погледате од 09.00 до 20.00 часот. Влезот е бесплатен!

Изложбата прикажува седум илустрирани новели од томот „Митови за Берлин“ од наградуваниот цртач на стрипови Рајнхард Клајст. За „Боксерот“, биографија на еден еврејски боксер, тој меѓу другото беше одликуван и со Наградата за литература за млади. Митовите за Берлин се базираат на збирката народни приказни од четири века, која се поврзува со топологијата на метрополата. Идејата за книгата потекнува од лекторот Михаел Гроеневалд и од Луц Гелнер, уредник при Берлинскиот градски магазин Zitty (Цити). Рајнхард Клајст го измислил рамковното дејство: такси-возачот Оцан ги вози своите гости низ Берлин и притоа им ги раскажува митовите за местата на кои тие заедно се упатуваат, а ги слуша и нивните лични приказни. Така тој прераснува во еден посебен градски возач.

Со задоволство Ве очекуваме.

“Алиса во земјата на чудата” - детска претстава

На репертоарот во ПЕТОК, 20.09.2019 година ќе биде одиграна ДЕТСКАТА ПРЕТСТАВА - „АЛИСА ВО ЗЕМЈАТА НА ЧУДАТА” од англискиот писател Луис Карол наменета за најмладите, почеток 19.00 часот, ВЛЕЗ СЛОБОДЕН !

Режија: Ѓорѓи Ризески, Играат: Адријана Билаловиќ Тодороска, Филип Кипровски, Павел Маслов, Ивица Цонев.

НАГРАДА НЕТА на фестивалот на камерен театар "Ристо Шишков"

НУЦК "Григор Прличев" - Охрид / Народен театар Охрид повторно со освоена НАГРАДА НЕТА на фестивалот на камерен театар "Ристо Шишков" во Струмица, за актерска инвентивност посветеност во остварувањето на режискиот концепт на "Стаклена Менажерија"– ТЕНЕСИ ВИЛИЈАМС, режија Софија Ристевска Петрушева.

Повеќе Артикли...

Страница 9 од 76

<< Почеток < Пред 1 2 3 4 5 6 7 8 9 10 Следно > Крај >>