Преведи со Google Translate

Macedonian Albanian English French German Spanish
Банер
Банер
Банер
Банер

Банер

КОНКУРС ЗА ИЗБОР НА НАЈДОБРА ПОЕМА ”ГРИГОР ПРЛИЧЕВ” ЗА 2019 ГОДИНА

Согласно член 9 став (1), (2), (3) и (5) од Статутот на НУ Центар за култура “Григор Прличев” – Охрид (бр. 01-396/1) и Правилникот за начинот на спроведување на конкурсот (бр.01-576/1) се распишува:

КОНКУРС ЗА ИЗБОР НА НАЈДОБРА ПОЕМА
”ГРИГОР ПРЛИЧЕВ” ЗА 2019 ГОДИНА

Конкурсот за избор на соодветната поема трае заклучно до 4-ти ноември 2019 година. Тематската содржина на поемата со која што се конкурира е од слободен карактер, поемата не смее да биде помала од 912 стихови и секој педесетти стих треба да е нумериран. Делото треба да е напишано со големина на фонт минимум 11 (единаесет), испечатено еднострано на А4 формат во 4 (четири) еднакви шифрирани примероци.На конкурсот еден автор може да пријави само едно дело, коавторски дела се неприфатливи. Конкурсот е анонимен, а за најдобрата поема предвидена е и парична награда. 
За изборот односно наградата одлучува 3 (три) члено жири составено од реномирани автори од Р.М. Се повикуваат сите заинтересирани автори да испратат необјавена поема на следнава адреса: НУ Центар за култура “Григор Прличев” – Охрид, ул. “Македонски просветители” бр. 4, 6 000 Охрид, со назнака “Пријава за избор на најдобра поема “Григор Прличев за 2019 година”. Поемите кои нема да пристигнат до определениот рок или нема да ги исполнуваат условите од истиот нема да бидат земени предвид за наградата. Комисијата согласно Правилникот за критериумите и постапката за избор на најдобра поема, ќе ги извести авторите што поднеле уредна апликација, за резултатите од изборот.  
За дополнителни информации:
Тел. 046/ 261 - 063
Е-адреса: Оваа е-пошта е заштитена од spambots, треба да вклучите JavaScript за да ја видите
НУ Центар за култура “Григор Прличев” – Охрид,
Директор,Горан Симоноски

Share/Save/Bookmark
 

„Медена земја“ на 4-ти и 5-ти Октомври

„Медена земја“ на 4-ти и 5-ти Октомври на кино репертоарот Центарот за култура Охрид!

Најнаградуваниот македонски документарец, што со победа во три категории на почетокот на годинава триумфираше на престижниот филмски фестивал „Санденс“,„Медена земја“ (Honeyland), на 4-ти и 5-ти октомвриќе се прикажува во Охрид! Филмот, кој е годинешен македонски кандидат за „Оскар“ и е во трка за најдобар документарец на Европските филмски награди, ќе се прикажува во Националната установа Центар за култура „Григор Прличев" - Охрид, во 20.00 часот.“

„Земи половина од медот, половина остави за пчелите.“
По ова правило за баланс со природата се води Атиџе, последната жена-одгледувач на диви пчели во Европа, која живее сама со својата мајка во централна Македонија. Но, кога во нејзиното соседство ќе се досели номадско семејство-пчелари, таа се соочува со сериозен предизвик, да ги спаси пчелите и да ја зачува природната рамнотежа на земјата.
Ако еден го прекрши правилото, сите ја плаќаат цената!

Времетраење: 85 мин.
Режисери: Љубо Стефанов и Тамара Котевска
Сниматели: Фејми Даут и Самир Љума
Продуцент и монтажер: Атанас Георгиев
Музика: „Фолтин“
Протагонисти: Атиџе Муратова, Назифе Муратова, Хусеин Сам, Љутвие Сам, Музафер Сам...
Жанр: Документарен
Возрасна категорија: Сите
Цена на карта 100 денари, почеток 20.00 часот.
Share/Save/Bookmark
   

Аналфабет - четврток 03.10.2019

"АНАЛФАБЕТ" - комедија според Бранислав Нушиќ, режија Ѓорѓи Ризески, на репертоарот ќе биде изведена во четврток 03.10.2019 година.

Играат: Горан Стојаноски - Максим Благадуша
Никола Тодороски - Митре П. Клатипатлак
Стрезо Стаматовски - Румен Вујаклија
Адријана Билаловиќ Тодороска - Магдалена Лапајкоска – Дупева
Сценограф на претставата е Зоран Николовски, а костимите се на Ванчо Василев

Картите по цена од 200 денари се пуштени во продажба на билетарата при НУЦК "Григор Прличев" - Охрид, почеток 20.00 часот. Телефон за резервации 046/261-063, 075/283-066
*Претставата не е за лица помлади од 14 години и во истата се користат пиротехнички средства.

Share/Save/Bookmark
   

31. ОХРИДСКИ СТАРОГРАДСКИ СРЕДБИ 2019

27-ми СЕПТЕМВРИ  (ПЕТОК) ПРОГРАМА:
1. Градски мешан хор „Вокс Лихнидос“ – Охрид
- Ој ти момче охриѓанче
- Боса Роса

2. Распеани Штипјани – Штип
-Очи имаш Стојне
-Ој мори Маре Нацево
-Запеј песна мори моме

3.Пеачка група „Веселата Тајфа“– Богданци
- Душо моја простими
- Дремка ми се дреме
- Животот е многу убав

4. ЗП Охрид и Дебрца од Охрид
-Кажи Рајне кажи душо
-Мома крај извор седеше
-Охридско Оро

5. КУД „Пере Тошев“ – Прилеп
- Променисе Суте, накитисе
- Не стој Доне Донке
- Праша ли Тинке мајкати

6. Ансамбл за народни песни Вања Лазарова – Скопје
- Секоја вечер пијан се враќам
- Оро се вие крај манастира
- Јас че ти купам свилено фустанче

7. Тамбурашки оркестар Серенада - Тетово
- Срце ме боли за Трпана
- Штом ноќта помине
- Простими душо

8. Распеани Гевгеличани – Гевгелија
- Марика мома убава
- Бог да бие Тино твојта мајка
- Кажи ми Цвето

9. ЗГ Градски Хор – Штип
-Не се бели Маре
-Моми одат по Штипски сокаци
-Битола мој роден крај

Место: НУ Центар за култура Григор Прличев-Охрид,
почеток 20.00 часот, голема сала, ВЛЕЗ СЛОБОДЕН!

Share/Save/Bookmark
   

Гостување на театарски фестивал за деца и младинци "Малиот Принц" во Штип

Национална установа Центар за култура "Григор Прличев" - Охрид / Народен Театар Охрид повторно гостуваат и тоа на театарски фестивал за деца и младинци "Малиот Принц" во Штип во четврток, 26-ти септември со ДЕТСКАТА ПРЕТСТАВА „АЛИСА ВО ЗЕМЈАТА НА ЧУДАТА” од англискиот писател Луис Карол.
Режија: Ѓорѓи Ризески, Играат: Адријана Билаловиќ Тодороска, Филип Кипровски, Павел Маслов, Ивица Цонев.
Share/Save/Bookmark
   

Страница 8 од 76

<< Почеток < Пред 1 2 3 4 5 6 7 8 9 10 Следно > Крај >>