Преведи со Google Translate

Премиера на „Човекот-делфин“ во Охрид

Охрид Приказната за „Човекот-делфин“ во режија на Лефтерис Чаритос ќе може да ја погледнат и охриѓани. Ова е воодушевувачката приказна за легендарниот Жак Мајол, кој во 1976 година прв ќе ја достигне длабочината од 100 метри со слободно нуркање. Ретки архивски исечоци и неверојатни современи подводни снимки ни го доближуваат животот на човекот-делфин, кој е главната инспирација и за „Големото синило“ на Лик Бесон. Кој би рекол дека оддалечувањето од површината, каде што сè ни е познато, значи доближување до себеси и до морето од каде што сме излегле? Кој би рекол дека спокој е можен кога кислородот ни е ограничен? Кој би рекол дека задржувањето на здивот може да ни ги наполни градите со слобода? Во Охрид премиера на филмот ќе биде на 3ти ноември во Центарот за култура „Григор Прличев“, со почеток во 20:00 часот, а цената на билетот ќе биде 100 денари. Покрај во нашиот град, филмот ќе се прикажува и во Скопје и Струга.

Народен Театар Битола гостува во Охрид

"ПОСЛЕДНАТА НОЌ" од Ингмар Вилквист, режија Андреј Цветановски

Играат: Марјан Ѓорѓиевски и Соња Михајлова.

Превод: Ана Светозаров

Сцена: Сергеј Светозарев

Костими: Марта Дојчиновска

Музика: Димитар Андоновски

Картите по цена од 150 денари се веќе пуштени на билетарата при театарот.

Сабота 28-ми октомври. Почеток 20.00 часот

Оваа претстава е обид да се покаже што прави надворешниот свет врз домот на едно семејство, како домот се растура под стегите на тоа што се случува надвор. Една фамилијарна приказна која е фантастично напишана и иако е драма за двајца, сепак зборува за историјата на човештвото, едно парче живот во кој се случуваат големи потреси во надворешниот свет, а со тоа и во нивниот изолиран внатрешен свет. Психолошка драма, која ги напаѓа сите сетила и емоции. Нешто што ги разрушува и уништува сите тие работи што семејството ги гради. Приказна што зборува за поинакво семејство, понижувано смејство, кое успева до таа ноќ да го одржи својот мал, но значаен свет – вели режисерот Цветановски.

КОНКУРС ЗА ИЗБОР НА НАЈДОБРА ПОЕМА ”ГРИГОР ПРЛИЧЕВ” ЗА 2017 ГОДИНА

Согласно член 9 став (1), (2), (3) и (5) од Статутот на НУ Центар за култура “Григор Прличев” – Охрид (бр. 01-396/1) се распишувa:

КОНКУРС

ЗА ИЗБОР НА НАЈДОБРА ПОЕМА ”ГРИГОР ПРЛИЧЕВ” ЗА 2017 ГОДИНА

Конкурсот за избор на соодветната поема трае заклучно до 25-ти ноември 2017 година. Тематската содржина на поемата со која што се конкурира е од слободен карактер, но притоа не смее да биде помала од 912 стихови. Конкурсот е анонимен, а за најдобрата поема предвидена е и парична награда. За изборот односно наградата одлучува три члено жири составено од реномирани автори од подрачјето на Општина Охрид и Република Македонија. Се повикуваат сите заинтересирани автори до испратат необјавена поема во четири шифрирани примероци на следнава адреса: НУ Центар за култура “Григор Прличев” – Охрид, ул. “Македонски просветители” бр. 4, 6 000 Охрид, со назнака “Пријава за избор на најдобра поема “Григор Прличев за 2017 година”. Комисијата согласно Правилникот за критериумите и постапката за избор на најдобра поема, ќе ги извести авторите што поднеле уредна апликација, за резултатите од изборот, најдоцна до 25-ти декември 2017 година.

За дополнителни информации:
Тел. 046/ 261 - 063
Е-адреса: Оваа е-пошта е заштитена од spambots, треба да вклучите JavaScript за да ја видите
НУ Центар за култура “Григор Прличев” – Охрид,
Директор, в.д. Стрезо Стаматоски

Аналфабет - среда 25.10.2017

Во СРЕДА 25.10.2017 на репертоарот повторно ќе биде изведена претставата "АНАЛФАБЕТ" - комедија според Бранислав Нушиќ, режија Ѓорѓи Ризески. Бесплатен влез за студенти!!!

Играат: Горан Стојаноски - Максим Благадуша

Никола Тодороски - Митре П. Клатипатлак

Стрезо Стаматовски - Румен Вујаклија

Елизабета Стефановска - Магдалена Лапајкоска – Дупева

Сценограф на претставата е Зоран Николовски, а костимите се на Ванчо Василев

почеток 20.00 часот.

*Картите по цена од 150 денари

**Претставата не е за лица помлади од 14 години

***Во претставата се користат пиротехнички средства

Телефон за резерваци на карти 046/261-063 секој работен ден од 10.00 до 15.00 часот, подигнување на резервирани карти најдоцна еден ден пред одигрување на претставата!

Работно време на билетарата од вторник до петок од 10.00 до 20.00 часот, во сабота од 14.00 до 20.00 часот и во понеделник од 10.00 до 14.00 часот!

"ПИСМА ОД ЗЕМЈАТА" - петок 20.10.2017 година

Во петок (20.10.2017) на репертоарат на Народниот театар од Охрид, со почеток во 20.00 часот, љубителите на театарската уметност ќе може да ја претставата "Писма од Земјата", работена според раскази на Марк Твен, со Никола Тодороски.

Адаптацијата и режијата е на Никола Тодороски, костимот на Ромина Стефанова Рашиди, а музиката на Аманда Џејн.

Претставата е камерна и заради малиот број на публика (35 места) билетите можат да се добијат само со резервација на телефонскиот број 075 283 066 (11.00 - 15.00 часот)

Цена на билет 200 ден.

Повеќе Артикли...

Страница 5 од 90

<< Почеток < Пред 1 2 3 4 5 6 7 8 9 10 Следно > Крај >>