АНСАМБЛ ЗА НАРОДНИ ПЕСНИ И ИГРИ   "БИСЕРИ"

Во периодот на подемот на културата како  развојна гордост на Охрид- најголемиот туристички и втор културен центар на Македонија формиран е  Анасмблот за народни песни и игри "БИСЕРИ" при НУ Центар за култура "Григор Прличев'' - Охрид.

Блескав почеток  во 1975 година и  достоен амбасадор на македонската култура во светот.

Бројни музички и фолклорни таленти и репрезентативни состави што донесоа признанија и награди од мноштво светски фестивали: Катвајк-Холандија, Закопане-Полска, Прага-Чешка,  Агриџенто-Италија,

Мартиник - Франција, Берлин - Германија,  Јалова, Гебзе, Ескишехир и Истанбул - Турција, Поградец и Пермет- Албанија, Бургас- Бугарија, Загреб-Хрватска, Белград-Србија и  многу други.

Богата и мошне колоритна традиционална народна носија со импресивни везови и оригинални  инструменти за сите специфични регионални  игри и единствена племенита цел - да се зачуваат и негуваат ретките вредни примероци од македонската фолклорна ризница. Две децении  фестивалски ансамбл на Балканскиот фестивал на народни песни и игри во Охрид.

Водарки, Песни и ора од Егејска Македонија, Калајџиско, Тресеница, Шопска петорка, Повардарие, Источна Македонија и Сплет изворни игри од охридскиот регион.